Auteur
Étienne De La Boetie
Recueil
Vingt Neuf Sonnetz

Puis Qu’ainsi Sont Mes Dures Destinees

Puis qu’ainsi sont mes dures destinees, J’en saouleray, si je puis, mon soucy, Si j’ay du mal, elle le veut aussi : J’accompliray mes peines ordonnees. Nymphes des bois, qui avez, estonnees, De mes douleurs, je croy, quelque mercy, Qu’en pensez-vous ? Puis-je durer ainsi, Si à mes maux tresves ne sont donnees ? Or […]

Auteur
Étienne De La Boetie
Recueil
Vers François

Quand Celle J’oy Parler Qui Pare Nostre France

Quand celle j’oy parler qui pare nostre France, Lors son riche propos j’admire en escoutant ; Et puis s’elle se taist, j’admire bien autant La belle majesté de son grave silence. S’elle escrit, s’elle lit, s’elle va, s’elle dance, Or je poise son port, or son maintien constant, Et sa guaye façon ; et voir […]

Auteur
Étienne De La Boetie
Recueil
Vers François

Quand J’ose Voir Madame, Amour Guerre Me Livre

Quand j’ose voir Madame, Amour guerre me livre, Et se pique à bon droit que je vay follement Le cercher en son regne ; et alors justement Je souffre d’un mutin temeraire la peine. Or me tiens-je loing d’elle, et ta main inhumaine, Amour, ne chomme pas : mais si aucunement, Pitié logeoit en toy, […]

Auteur
Étienne De La Boetie
Recueil
Vingt Neuf Sonnetz

Quand Tes Yeux Conquerans Estonné Je Regarde

Quand tes yeux conquerans estonné je regarde, J’y veoy dedans à clair tout mon espoir escript ; J’y veoy dedans Amour luy mesme qui me rit, Et m’y monstre, mignard, le bon heur qu’il me garde. Mais, quand de te parler par fois je me hazarde C’est lors que mon espoir desseiché se tarit ; […]

Auteur
Étienne De La Boetie
Recueil
Vingt Neuf Sonnetz

Quand Viendra Ce Jour Là, Que Ton Nom Au Vray Passe

Quand viendra ce jour là, que ton nom au vray passe Par France dans mes vers ? combien et quantes fois S’en empresse mon coeur, s’en demangent mes doits ? Souvent dans mes escris de soy mesme il prend place. Maulgré moy je t’escris, maulgré moy je t’efface. Quand Astree viendroit, et la foy, et […]

Auteur
Étienne De La Boetie
Recueil
Vingt Neuf Sonnetz

Quant À Chanter Ton Los Par Fois Je M’adventure

Quant à chanter ton los par fois je m’adventure, Sans ozer ton grand nom dans mes vers exprimer, Sondant le moins profond de ceste large mer, Je tremble de m’y perdre, et aux rives m’assure ; Je crains, en loüant mal, que je te face injure. Mais le peuple, estonné d’ouir tant t’estimer, Ardant de […]

Auteur
Étienne De La Boetie
Recueil
Vingt Neuf Sonnetz

Quoy ? Qu’est Ce ? Ô Vans, Ô Nuës, Ô L’orage !

Quoy ? qu’est ce ? ô vans, ô nuës, ô l’orage ! A point nommé, quand moy d’elle aprochant, Les bois, les monts, les baisses vois tranchant, Sur moy, d’aguest, vous passez vostre rage. Ores mon coeur s’embrase d’avantage. Allez, allez faire peur au marchant Qui dans la mer les thresors va cherchant : Ce […]

Auteur
Étienne De La Boetie
Recueil
Vers François

Reproche Moy Maintenant, Je Le Veux

Reproche moy maintenant, je le veux, Si oncq de toy j’ay eu faveur aucune, Traistre, legere, inconstance fortune. Reproche moi hardiment, si tu peux. Depuis le jour qu’en mal’heure mes yeux Voyent du ciel la lumiere importune, Je suis le but, la descharge commune De tous les coups de ton bras furieux. Bien tost j’auray, […]

Auteur
Étienne De La Boetie
Recueil
Vingt Neuf Sonnetz

Si Contre Amour Je N’ay Autre Deffence

Si contre Amour je n’ay autre deffence, Je m’en plaindray, mes vers le maudiront, Et apres moy les roches rediront Le tort qu’il faict à ma dure constance. Puis que de luy j’endure cette offence, Au moings tout haut, mes rithmes le diront, Et nos neveus, a lors qu’ilz me liront, En l’outrageant, m’en feront […]

Auteur
Étienne De La Boetie
Recueil
Vingt Neuf Sonnetz

Ô Vous, Maudits Sonnets, Vous Qui Printes L’audace

Ô vous, mauditz sonnetz, vous qui prinstes l’audace De toucher à Madame ! ô malings et pervers, Des Muses le reproche, et honte de mes vers ! Si je vous feis jamais, s’il fault que je me face Ce tort de confesser vous tenir de ma race, Lors, pour vous, les ruisseaux ne furent pas […]

Auteur
Étienne De La Boetie
Recueil
Vingt Neuf Sonnetz

Si Ma Raison En Moy S’est Peu Remettre

Si ma raison en moy s’est peu remettre, Si recouvrer asthure je me puis, Si j’ay du sens, si plus homme je suis, Je t’en mercie, ô bien heureuse lettre. Qui m’eust (hélas), qui m’eust sceu recognoistre, Lors qu’enragé, vaincu de mes ennuys, En blasphemant, Madame je poursuis ? De loing, honteux, je te vis […]

Auteur
Étienne De La Boetie
Recueil
Vingt Neuf Sonnetz

Ô, Entre Tes Beautez, Que Ta Constance Est Belle

Ô, entre tes beautez, que ta constance est belle ! C’est ce coeur asseuré, ce courage constant, C’est, parmy tes vertus, ce que l’on prise tant : Aussi qu’est il plus beau qu’une amitié fidelle ? Or, ne charge donc rien de ta soeur infidele, De Vesere, ta soeur : elle va s’escartant, Tousjours flotant […]

Auteur
Étienne De La Boetie
Recueil
Vers François

Si Onc J’eus Droit, Or J’en Ay De Me Plaindre

Si onc j’eus droit, or j’en ay de me plaindre : Car qui voudroit que je fusse content Estant loing d’elle ? Et je ne sçay pourtant, En estant pres, si mon mal seroit moindre. Ou pres, ou loing, le mal me vient atteindre ; J’ay beau fuir, en tous lieux il m’attend Pres, un […]

Auteur
Étienne De La Boetie
Recueil
Vingt Neuf Sonnetz

Or, Dis Je Bien, Mon Esperance Est Morte

Or, dis je bien, mon esperance est morte. Or est ce faict de mon ayse et mon bien. Mon mal est clair : maintenant je veoy bien, J’ay espousé la douleur que je porte. Tout me court sus, rien ne me reconforte, Tout m’abandonne, et d’elle je n’ay rien, Sinon tousjours quelque nouveau soustien, Qui […]

Auteur
Étienne De La Boetie
Recueil
Vingt Neuf Sonnetz

Toy Qui Oys Mes Souspirs, Ne Me Sois Rigoureux

Toy qui oys mes souspirs, ne me sois rigoureux, Si mes larmes à part, toutes mienes, je verse, Si mon amour ne suit en sa douleur diverse Du Florentin transi les regretz langoureux, Ny de Catulle aussi, le foulastre amoureux, Qui le coeur de sa dame en chastouillant luy perce, Ny le sçavant amour du […]